Окт212010

PRVAbadclient-3
Сигурно како фриленсери до сега сте имале барем некој „непосакуван“ клиент. Без разлика дали имал неостварливи и нејасни барања, сте правеле по десетици корекции и измени или постојано наоѓал оправданија зашто доцни неколку месеци со плаќање...треба да знаете дека не сте единствени, исти или слични случаеви има скоро секој фриленсер.
Она што е различно, е начинот како се справуваме со „лошите“ клиенти. За тие начини и справувањето малку подолу во текстот.

Еден од „најбезболните“ начини, но не и најдобар после многу изгубено време и нерви, е тотално игнорирање на клиентот. Тоа води кон добивање отказ на работата и секаква натамошна соработка. Прво што ќе си помислите е, „Конечно го откачив !“ без да размислите на последиците. Автоматски добивате негативни критики насекаде од клиентот (посебно ако е влијателна личност). Едно такво оцрнување може да биде посилно од 10 позитивни критики и пофалби.
Затоа не чекајте, пред клиентот да ви даде „отказ“ вие први сторете го тоа на културен и цивилизиран начин, каде и вие и клиентот нема да изгуби, а нема да има никакви понатамошни последици.

Кога клиентот е незадоволен од некоја ваша работа, негативно ве оценува и кога лутината ја изразува на мејл или преку пораки, вратете баш обратно. Бидете позитивни и учтиви, спремни да пробате наредниот пат да биде подобро. Ако истраете во ова и кога на крај тој ќе е задоволен, ќе ви се врати двоструко и ќе ве оцени позитивно.

Посебно тежок случај е кога со клиентот имате договор за соработка на подолго време, не сакате да продолжите но сте обврзани за да не сносите законски и судски последици. Затоа доколку раскинувањето не сноси големи загуби сторете го тоа најбрзо што може, бидејќи така само губите време и пари. Или ставете му на знаење на клиентот дека не сакате да продолжи соработката и направете го тоа со анекс на договорот, без посериозни последици, за вас но и за вашиот клиент.

badclient-1

Еден „трик“ кој се користи од поискусните фриленсери е зголемување на цената. Пример не сакате да работите повеќе за некој клиент, му барате двојно повисока цена или зголемена тарифа. Тој ве одбива со образложение дека не може повеќе да си ги приушти вашите услуги. Со оваа тактика ќе немате негативна критика, посебно ако од до тогаш сработеното биле задоволни, единствено може одреденo време да ве бие глас дека сте скапчии.

И за крај. Поради Х причини сакате да престанете соработка со одреден клиент. Му објаснувате дека не сте толку стручен и искусен за неговите барања и да побара други фриленсери. Во неговите очи вие сте искрен, и не ве интересираат само парите.

badclient-2

Лошите клиенти може да се поделат на неколку групи.

  • Микро Менаџери

Сакаат да ја контролираат целосно вашата работа. Постојано имате чувство дека нема доверба во вас. Сака да знае како и што работите секој ден, бара  да види примероци и пред да се завршени, секој детаљ макар и небитен сака да го има под контрола. Уште од старт објаснете кој е вашиот начин на работа и што и кога да очекува.

  • Паничари

За нив се е итно и со кратки рокови. Секоја наредна работа ја бараат најбрзо што може, а воедно бараат и квалитет. Често се случува на крај, и тоа поради вина на клиентот, да се заврши многу подоцна отколку што првично барано и вие гледате и дека не било толку итно како што клиентот сакал да прикаже. Не дозволувајте паниката и тензијата да ја пренесе и на вас и цело време да работите под притисок.

  • Сезнајковци

Клиенти кој мислат и сакаат да се разбираат буквално во се. Користејќи дизајн и ИТ терминологија сакаат да помислиме дека се стручни, а со тоа да ни стават до знаење дека „не можеме да ги зафркнеме“. Понекогаш бараат застарени формати и начини на работа и се прилично стриктни околу тоа, секогаш мислејќи дека знаат најдобро. Не сакаат идеи и мислења од вас, само сакаат тоа што бараат да се направи. Колку и да ве платиле, вие сте пред се креативец а не само робот во нечии други раце.

  • Неплаќачи

Клиенти кои постојано одолговлекуваат со плаќање. Смислуваат секакви оправдувања, па дури и ветуваат дека уште нешто да им завршите и ќе ви платат се наеднаш. Не наседнувајте на ова и уште на почеток барајте почитување на однапред договореното.

  • Посесивни

Клиенти кои мислат дека вие како фриленсер треба да работите само за нив. Бараат од вас целото работно време дневно да го посветите само на нив. Веднаш треба да им се стави до знаење дека што значи да се биде фриленсер и дека имате други секојдневни обврски. Ако ве плаќаат сигурно не значи дека ве имаат како сопственост и да бидете достапни 24/7.

 

Споделете ваши искуства со лоши клиенти, наши или странски подолу во коментарите

коментари (2)add comment

Милан said:

0
...
Ова е најдобриот пост што досега сум го прочитал некаде.

БРАВО! smilies/wink.gif

Можам да кажам дека сите случаи сум ги искусил и за сите навистина е баш така.

Поздрав до Вас
октомври 22, 2010

janev said:

0
...
@Милан
Фала, се трудам, а и во иднина ќе има повеќе лични постови базирани на искуства, не само мои, гледам дека и на многу други.
Поздрав
октомври 22, 2010

Пратете коментар
намали | зголеми

busy

Copyright 2016. Сите права задржани, дозволено преземање материјали под одредени услови Creative Commons