Јан102012

PRVAArgument-with-Client
Добрата и здрава комуникација во секој бизнис е од огромно значење и еден од критериумите за успех. Има едно непишано правило дека ниту една зделка или договор не пропаднал од премногу комуникација, туку обично тоа бива од недоволна и лоша комуникација. Ова посебно важи доколку сте фриленсер и градите врска со нов или постоечки клиент. Уште повеќе доколку клиентот е од странство. Затоа е важно на почеток да посветите повеќе време и енергија со секој нов потенцијален клиент, а и да се гради здрава врска со секој постоечки клиент.
Еве неколку совети како таа врска да биде успешна за вас и за вашите клиенти.

1. Разбирање на барањата на клиентот

Пред да почнете со било каков brainstorming, кодирање или скечирање на хартија бидете сигурно дека во целост сте ги разбрале барањата на клиентот. Пресудно за да не работите залудно, ем нема да ви биде платено ем ќе изгубите драгоцено време. За да не дојде до ова, дизајнерот мора да знае какви прашања и потпрашања да постави. Да, кривицата е само ваша доколку дојде до тоа. Се што имате нејасно прашајте на време. Дури и мало истражување во минатото на клиентот доколку е поединец или компанијата може да ви помогне да осознаете за стилот кој го практикуваат.
Мој совет за секаков проект да имате посебни иницијални прашалници, пример за веб дизајн, за лого итн. Тоа не треба да биде ваш единствен водич, секогаш потпрашувајте, па дури и за време на креативниот и дизајнерскиот процес. Да, понекогаш овој процес знае да биде исцрпувачки, сите сме имале ситуации со „незгодни“ клиенти и клиенти што не знаат точно што бараат. Но верувајте, колку и да е напорно кога ќе го завршите и точно ќе знаете што да му понудите на клиентот а и следните чекори ќе ви бидат многу полесни.

2. Одбрана на својот дизајн

После првиот чекор и направениот дизајн, на ред доаѓа презентација. Првата презентација на вашиот дизајн без разлика дали е само лого или цела нова кампања има пресудна улога во тоа дали на клиентот на прво гледање ќе му се допадне дизајнот. Сфатете го тоа како одбрана на теза, во секое време да знаете да одговорите со цврсти аргументи на секое прашање на клиентот, зошто токму таа идеја, зошто таа палета на бои, зошто токму тој фонт итн. Колку подобро застанете и ја одбраните својата идеја толку поголема предност во старт ќе имате во однос на конкуренти. Со тоа влевате сигурност и самоувереност кај клиентот.
Се разбира, не е исто да презентирате лично пред клиентот на прожектор и преку имејл на клиент од друг континент. Моќта на убедување на дизајнерот доаѓа токму овде до израз. Залудно добар производ, доколку не знаете како да го продадете. Презентацијата е маркетинг за вашиот дизајн.

you-are-the-expert

3. Како да кажете „не“ на клиент

најчеста ситуација, а за многумина и единствена кога одбиваат клиент е единствено кога имаат премногу работа, т.е. немаат време за нови проекти. Ова е почетничка грешка која ја осетив неколку пати на своја кожа пред да научам дека немањето време не треба да е единствен фактор да се одбие нова работа. На почеток не одбивав ниту еден клиент, за да после извесно време да се најдам во ситуација да работам по 10-тина проекти во исто време, сите со стриктни рокови. Може добивав во пракса брзина и  финансии, но кога на крај ќе соберете и одземете ќе видите дека вие всушност сте изгубиле. Трпи вашата работа, т.е. квалитетот, имате дизајни кои никогаш не би ги ставиле во портфолио и на крај работата до рано наутро и спиењето има последици врз вашето здравје, кои како помлади може и не ги чувствувате. Да не ги споредувам случаевите кога касните со рокови, а со тоа и губење на клиенти и вашата репутација.
Затоа бидете искрени со клиентот дека имате моментални проекти и за тоа не може да ја прифатите неговата работа со бараниот рок. Ако проектот ви изгледа интересен и на клиентот му се допаѓа вашето портфолио слободно побарајте можност за продолжување на првичниот рок.

no

4. Корекции од клиентот

Во најмногу случаеви после првите предлог дизајни, клиентот ќе има свои забелешки, сугестии и корекции. Понекогаш корекциите се на место, и клиентот е во право за побараните измени. Грешка што ја прават повеќето дизајнери е слепо следење и корегирање на истите. Што ако тој побара Comic Sans, за фонт на некоја голема корпорација? Да, верувале или не сум имал такви барања за флаер на пример, за компанија за градежни материјали. Наместо тоа, мора да го убедите дека со тоа едноставно ќе се наруши имиџот на компанијата и дека нема да бидат сфатени сериозно. Понудете замена, но во никој случај слепо следење и извршување на бараните корекции. Докажете дека грешат и дека постои подобро решение.

clients

5. За крај, нешто што во старт се подразбира за успешна комуникација и врска помеѓу дизајнер и клиент, е навремено исполнување на дадените и договорените рокови.

Секогаш за можните поместувања на роковите известувајте го клиентот навремено. Најчест е случајот кога во текот на процесот на дизајнирање, клиентот има нови и нови барања. Сето ова може да биде причина да се пролонгира работата, но никогаш не сметајте дека клиентот тоа го знае и се подразбира. Исто така може да се случат незгоди надвор од ваша контрола и виши сили кои можат да доведат проблеми со вашата опрема, губење податоци и сл.

deadline

Погледнете кратко видео како би изгледале ситуациите дизајнер - клиент во секојдневниот живот.

коментари (0)add comment

Пратете коментар
намали | зголеми

busy

Copyright 2017. Сите права задржани, дозволено преземање материјали под одредени услови Creative Commons