Фев202014

1111
Сите добро знаеме дека генерално за било кој бизнис среќен и задоволен клиент значи профит. Ова важи и за нас фриленсерите кои најдобро знаеме колку е понекогаш тешко и одзема време да се бркаат нови клиенти, затоа е многу важно да знаеме како да ги задржиме постоечките. Ќе споделам 5 кратки совети и начини како да ве сакаат клиентите според важност.

1. Deadline is a king

Прв начин е да бидете секогаш на време и да ги почитувате роковите. Успешно менаџирање со вашето време, а со тоа и она на вашите клиенти ќе значи среќен клиент кој потенцијално носи нови клиенти. Да, сигурно ќе се случи, дали поради вас или други фактори кои не секогаш може да ги контролираме да задоцните и да пробиете некој рок. Она што мора да знаете e дека секој клиент е различен и сами мора да процените на кој начин да се извините и „компензирате“. Заборавете на клишеа за оправдување или да се служите со лаги. Идеално би било однапред да го предвидите ова и да го известите дека ќе ви треба дополнително време. Никогаш не го оставајте клиентот да чека со денови после рокот да чека и да нема никаква информација до каде е проектот. Може да се случи, посебно кај странските клиенти, ако доцните да откаже соработка и веднаш да бара нов фриленсер. И за крај, ако се работи за посложен проект кој има неколку задачи, ако пробиете рок на самиот почеток пробајте да надокнадите веднаш, инаку ќе се соочите со опасност целиот проект да доцни, а тоа да има последици врз работата со другите клиенти.

04-client-freelance-meeting-duffy-agency

2. Редовна комуникација

Има една поговорка дека ниту еден проект не пропаднал од премногу комуникација туку од премалку комуникација. Комуникацијата и не значи многу ако не е ефективна и искрена. Сите сме имале „непотребни“ состаноци или безброј мејлови за нешто што можело да се реши многу побрзо. Затоа бидете директни во мејлови со она што ви треба, барајте детални информации и за што не ви е јасно секогаш пишувајте и прашувајте, тоа ќе ви скрати часови и денови залудно потрошено време за нешто што погрешно сте разбрале. Сара Хоровиц во книгата The Freelancer's Bible советува „не можам“ да го замениме со „би можел/а...“ На пример ако клиентот побара од вас да започнете со работа за еден месец, ако сте букирани и реално не можете, наместо да одговорите „Не можам за еден месец“ да користите афирмативна позитивна форма, како на пример „Би сакал да работам на вашиот проект, ќе ми претставува предзивик, но би можел најрано за 5 недели“ На крај, бидете искрени, само така клиентот ќе стекне доверба во вас, дека не го гледате само од финансиската страна и само да наплатите за сработеното, туку дека сакате да градите однос и соработка која ќе биде успешна и ќе трае.

3. Почит и приоритет

Секој клиент сака кога го давате максимумот, се трудите и давате се од себе на неговите задачи. Дури и ако тој клиент кај вас е последен на листа, тој тоа не го знае, и направете да се чувствува важен, бидејќи можеби сте почнале со мало проектче, но понатаму токму тој може да ви носи најголем профит понатаму со тек на време. Следете ги вашите клиенти преку нивните веб страни, блогови, социјални медиуми...пишете им рандом имејл со пофалба, критика, совет...закажете состанок и предложете им интересна креативна маркетинг кампања...изненадете ги со гратис брендирани материјали како визит карти, папки...без разлика дали е голем или мал клиент, верувајте ќе знае тоа да го цени и како што вие сте му дале приоритет пред други клиенти, тој да ве одбере пред други, дури познати маркетинг агенции.

5-meet-deadline

4. Секогаш достапни

Ова е помалку tricky, посебно ако имате повеќе клиенти. Никогаш не дозволувајте клиентот да знае дека имате премногу работа со други клиенти. Од старт оставате лош впечаток дека сте постојано презафатени и дека неговите задачи ги работите набрзина и без внимание. Меѓутоа постои голема разлика меѓу тоа да бидете секогаш достапни и да направите клиентот да мисли дека сте секогаш достапни. Да, никој не е достапен 24/7, но разликата е во тоа како тоа го давате до знаење. Не кревање на телефон може да биде погрешно разбрано дека не сакате да зборувате со тој клиент, дека го избегнувате и сл. Имајте еден главен канал за комуникација, најдобро преку имејл, а за сите други начини, телефонски или Скајп, однапред договорајте се. Да речеме дека клиентот сака да зборувате за нов итен дизајн за 2 саати преку Скајп, а вие тогаш имате веќе друго резервирано, или едноставно сте некаде каде што нема интернет. Наместо да го одбиете и одговорите со не можам, што е многу лошо, вие напишете дека сте навистина заинтересирани, меѓутоа тоа време сте веќе зафатени и дека ќе можете малку покасно, и понудете веднаш алтернативна опција. Така покажувате дека сте достапни за клиентот и секогаш заинтересирани за соработка.

5. Останете во контакт

Откако успешно ќе завршите проект, тоа не значи и крај со работата со тој клиент. Подобро од нов клиент е постар клиент кој пак ќе ве побара за соработка. Бидејќи веќе го знаете, знаете што бара и кој е неговиот стил. Со новите потенцијални клиенти секогаш постои ризик. Ова не значи само да го „искористите“ за препораки туку едноставно ако сакате да ве сакаат клиентите, мора и вие да покажате дека се грижите за нив, за нивниот бизнис, за проблемите кои ги имаат и сл. Посебно не ги заборавајте за време на важни празници, дури и само кратка порака може да ги потсети на вас, и веднаш да ве побараат за следниот проект.

коментари (1)add comment

М said:

0
...
Секогаш достапно, е најлошиот потег кој еден фриленсер може да го направи. Напротив, се поставуваш на почеток во кои саати си достапен и тогаш одма добиваш повеќе респект. Пошто не е поентата да ги чешкаш клиентите, него да имате mutual respect. Со тоа "секогаш достапен" се губи респектот автоматски, плус ги навикнуваш на тоа.
февруари 21, 2014

Пратете коментар
намали | зголеми

busy

Copyright 2016. Сите права задржани, дозволено преземање материјали под одредени услови Creative Commons