Мај082017

Untitled-1
Секој фриленсер во својата кариера макар еднаш “зафркнал” работа со некој клиент до тој степен што го изгубил. Но, тоа и не е така страшно, пострашно е како тоа влијае понатаму врз репутацијата и дали и колку брзо ќе си ја поправите грешката.  Ќе почнам со серијата со првите три.

Рокови
Најголемиот непријател на сите фриленсери кој постојано не демне, дури и во сон. Ако испуштите некој важен рок, тоа ви го пореметува целиот процес на постоечките па и на идните проекти. Обично фриленсерите за да се “извадат” ќе измислат оправдувања, од тоа дека нешто не е во ред со мејловите, компјутерот им експлодирал, имаат алергија, кучето им било болно, заглавиле на аеродром…можам вака и цел пост да напишам ;) Клиентот најверојатно првиот пат ќе има разбирање, се додека не ја повторите истата грешка, и понудите решение. Клиентот навистина ќе цени доколку и покрај сите проблеми вие понудите алтернатива и план Б за неговиот проект. Е сега, за системи за менаџирање на време и таскови сум пишувал многу пати до сега, и можам да кажам од сопствено искуство комбинацијата на Trello и Toggl најдобро функционира на мојот начин на работа. И да, вакви слични програми ќе има секогаш нови и тоа не значи дека секогаш мора да ги пробувате, она што ви функционира не го менувајте често!

2

Бекап
Колку и често да се повторува ова никогаш нема да биде доволно. Како што е битно добро да менаџирате со клиенти, уште побитно е да имате систем за именување, архивирање и бекапирање на фајлови. Доброто именување на фајловите може да ви заштеди доста време кога ќе барате фајл после 5 години пример, и ако системот ви останал ист и не го менувате ќе ви биде многу лесно. Ако сте работеле или работите и фул тајм може да видите и дека во компаниите и маркетинг агенциите кај нас не постои некој стандард, туку секој работи на свој начин, што најчесто не е според она како вие сте научени. Бивш колега често знаеше да каже. ако сакаш да видиш дали некој дизајнер и фриленсер работи по стандарди доволно е само да му го видите десктопот. Ако дома правите генералка секоја недела или секој месец, тоа правете го и со вашите фајлови. Се она што е завршено бекапирајте, и тоа не само бекап на еден надворешен хард диск, туку имајте уште еден секогаш. Можеби звучи поскапа варијанта, ама изгубени фајлови и клиенти ќе биде секогаш поскапа авантура.

4

Понуда
Најчесто планираните 30 часа во понудата до клиентот ќе завршат со 40 часа работа. Не постои правило во вакви случаеви и најчесто зависи од самиот клиент и вашата врска. Затоа секогаш оставајте простор од +/- 5 работни часа од планираните или објаснете му на клиентот веднаш штом работата ќе се пролонгира дека ќе го чини повеќе и ќе треба нова понуда. Ако е нов клиент и сакаме да го задржиме тие плус работни саати нема да ги наплатите, туку ќе ги имате в предвид во наредните проекти. Доколку не комуницирате со клиентот, ова само може да ви наштети долгорочно.

На крај, сите сме луѓе и правиме грешки. Начинот на кој ги решаваме е она што е различно кај сите нас. Не дозволувајте да ви прејде во навика, бидете пример како треба, а не пример како не треба!

коментари (0)add comment

Пратете коментар
намали | зголеми

busy

Copyright 2017. Сите права задржани, дозволено преземање материјали под одредени услови Creative Commons