Сочи 2014 лого

s11
Одамна не сум пишал критика за некое лого. Изборот падна на логото и визуелниот идентитет за Зимските Олимписки Игри во Сочи кои веќе почнаа и ќе траат до 23ти овој месец.

Логото беше претставено во 2009та, од страна на Дмитри Чернишенко кој е претседател на Организацискиот комитет и Жак Рог, претседател на меѓународниот Олимписки Комитет. Меѓу другото Чернишенко нагласи: „Сочи 2014 ќе има јасен дигитален симбол на Игрите. Ние нудиме иновација, икона и инспирација за прослава и возбуда на првите Зимски Олимписки игри во Русија.“
Брендот е креација на Интербренд во соработка со посебен бренд совет од Русија составен од големи имиња од спортот, дизајнот, маркетингот и сл.

2014-olympics-logo

Самото лого уште од самото појавување предизвика неколку контроверзии и „нелогичности“. Патем, тоа е прво лого каде во самото лого се наоѓа и интернет доменот, односно .ru

Тоа ќе беше во ред доколку целосното име беше во еден ред. Проблемот се јави бидејќи самата типографија е во два реда, Sochi e горе со доменот, a долу е годината „2014“. И Олимписките кругови во продолжеток односно под доменот. На прва не е јасно дали веб адресата е sochi.ru или sochi2014.ru. Во ера на интернет тоа не претставува никаков проблем, односно тие два клика повеќе, а и сами кога знаеме дека и двата линка како и да го напишете водат кон истата веб страна.

Логото е прво кое оди чекор понапред, барем кога станува збор за логоата на Олимписките Игри. Само за потсетување а и сигурно најсвежо е она Олимписките Игри во Лондон во 2012та. Изгледа футуристички, модерно, обновено...ја претставува нова Русија каква многумина не ја познаваат, а денешната дигитална генерација која е постојано на социјалните медиуми сака нешто ново и возбудливо постојано. Онлајн платформите се нешто за што Русија и Сочи вложуваат напори да се приближи кон младите, како движечка сила.

photo-people

Можеби на прв поглед не зрачи со тој Олимписки дух, нема некоја игривост и шареноликост, и треба некое време моќноста да се стиши главно откако ќе ги видите олимписките кругови.

.ru не е само домен на држава, тоа го дава целосниот социјален аспект. Овие Зимски Олимписки Игри полека ке се оддалечат од телевизорот, и ќе бидат подостапни за сите. Ќе се гледаат на таблети, смартфони...интеграцијата на гледачите и фановите ќе биде поголема и споделувањето на интересните моменти ќе биде инстантно. На тој начин Игрите ќе се искусат на еден сосем нов начин.

Отсликувањето и симетријата на "h" сo "y", "s" сo "z" и "0" сo "o" е всушност спојот меѓу планините и езерата, и рефлекцијата на самата вода. Иако за многумина како стил е веќе виден и на моменти досаден, самата структура и хиерархија на тоа како се поставени работите дава некоја динамика и движење на ротирање на рефлексирачките карактери. За разлика од скоро сите претходни логоа, каде акцентот е ставен на градот домаќин и годината, тука тоа е изоставено. Моќната типографија ја има главната улога.

Sochilaunch

Малите триаголници и кристали го надополнуваат целосниот бренд. Можеби не се импресивни, но барем не се клише како снегулки на пример. За разлика од логото кое има тежина кристаливе се нежни и изгледаат лесно, со тоа се прави перфектен баланс.

4152692820_9236bdf9b0_b

4152692810_42d4e2e048_b

Последни на листа беа додадени пиктограмите за сите 22 спорта. Токму тука се гледа руската традиција, за што имаше многу критики. Инспирирани од Олимписките Игри во Москва 1980, едноставно зрачат со колорит, патерни и традиционални текстури.

146

238

1114

Што вие мислите за логото? Слободно споделете во коментарите подолу

коментари (1)add comment

Жарко said:

февруари 21, 2014

Пратете коментар
намали | зголеми

busy Последно освежено на Фев102014

Copyright 2017. Сите права задржани, дозволено преземање материјали под одредени услови Creative Commons